ЮНИДО Ўзбекистонга таклиф билан чиқди

Фото: UNIDO

Бирлашган Миллатлар Ташкилотининг Саноатни ривожлантириш бўйича ташкилоти (ЮНИДО) бош директори Ли Йонг Ўзбекистонга ҳамкорлик тўғрисида стандарт асос битимни имзолаш имкониятини кўриб чиқиш таклифини берди.

O’zbekiston телеканали маълумотларига кўра, Йонг ЮНИДО Ўзбекистонда саноат лойиҳаларини амалга ошириш орқали ташкилот фаолиятини кенгайтиришдан манфаатдор эканини таъкидлади.

«Биз Ўзбекистон ҳукумати билан ЮНИДО ўртасида ҳамкорлик тўғрисидаги асосий умумий битимни имзолаш имкониятини кўриб чиқишни таклиф қиламиз», - дея қайд этиб ўтди Ли Йонг.

Ташкилот раҳбарининг таъкидлашича, ҳужжат саноатлаштиришни ривожлантириш бўйича хизматлар тақдим этиш учун ҳуқуқий асос бўлиб хизмат қилади ва ЮНИДОнинг мамлакатдаги техник ёрдам лойиҳаларини амалга оширишга ёрдам беради.

Ўзбекистон - бу битимни имзолаш таклиф этилган собиқ СССР давлатлари орасидаги биринчисидир.

#БМТ #саноат #ЮНИДО