Трамп Google, Facebook ва Twitter’га «ташланди»

Фото: Win McNamee/Getty Images

АҚШ президенти Дональд Трамп йирик технология компаниялари фаолиятини танқид қилди. Улар, давлат раҳбарининг фикрига кўра, консерваторлар ва республикачиларга нисбатан адолатсиздир. Президентнинг сўзлари Reuters томонидан келтирилган.

«Менимча, Google, Facebook ва Twitter... консерваторлар ва республикачиларга нисбатан жуда адолатсиздир», - дея айтиб ўтди Трамп журналистларга Оқ уйдаги чиқиши вақтида.

Унинг таъкидлашича, бундай вазият «катта муаммо» ҳисобланади, чунки бу компаниялар АҚШнинг консерватив қарашларга эга кўплаб фуқароларини «сукут сақлашга мажбур қилмоқчи». Президентнинг сўзларига кўра, бу «нотўғри», «адолатсиз», ва, эҳтимол, «ноқонуний».

«Биз шунчаки адолатни хоҳлаймиз», - дея хулоса қилди Трамп.

Эслатиб ўтамиз, аввалроқ Трамп АҚШ бош прокурорини ишдан ҳайдаш фикридан ҳозирча қайтганди.