Фото: Видеодан кадр
АҚШнинг Юта штати мутасадди идоралари тоғдаги кўлларга тирик балиқларни етказишнинг янги усулини ўйлаб топишди. Балиқлар самолётларда етказилиб, сўнгра кўллар устида ташланмоқда. Тегишли видео Vuzeenews News томонидан эълон қилинган.
Юта маъмурияти бу қарорни кўлларга автомобилларда етиб бориш қийинлиги билан изоҳлашган.
Амалдорларнинг таъкидлашича, балиқлар самолётда ташилганда уларнинг 95-99 фоизи тирик қолади. Бу балиқни автомобилларда ташишдан анча юқорироқ кўрсаткичдир, чунки балиқлар “камроқ стресс ҳис қиладилар”.
