Исроил бош вазирининг рафиқаси коррупцияда айбланмоқда – ОАВ 

Исроил бош вазири Беньямин Нетаньяхунинг рафиқаси Сара Нетаньяху турмуш ўртоғининг Исроилнинг энг йирик телекоммуникация компанияси “Безек” билан коррупциявий алоқалари бўйича тергов ишининг гумонланувчиларидан бирига айланди.

“Гаарец” нашрининг маълум қилишича, ушбу иш бўйича ўтаётган 4 минг гумонланувчи орасида бош вазирнинг ўзи, унинг собиқ матбуот котиби Нир Хефец, собиқ алоқа вазири Шломо Филбер, “Безек” эгаси Шауль Элович ва унинг рафиқаси, ўғли ва бир неча қўл остидагилар бор.

“Полициянинг “4000лар иши” бўйича вакили бош вазирнинг рафиқаси пора олганликда гумон қилинаётганини расман маълум қилди”, дейилган нашрда.

Полицияда эр-хотин Нетаньяхулар ҳамда “Безек” раҳбарияти “ўз ҳаракатлари иқтисодий аҳамиятга эгалигини тўлиқ англашгани”нинг исботларига эга эканликлари таъкидлаб ўтилган.

Таъкидланишича, энди терговчилар амалдорлар Нетаньяхунинг фаолиятини ижобий ёритиш эвазига “Безек” манфаатларини илгари сурганларини исботлашлари керак бўлади.