Исроил Парагвайдаги элчихонасини ёпди

Фото: РИА Новости / Владимир Вяткин

Исроил Парагвайнинг Исроилдаги элчихонасининг Ал-Қудсдан Тел-Авивга қайтарилишига жавобан Парагвайдаги элчихонасини ёпишга қарор қилди. Бу ҳақда Исроил бош вазири Биньямин Нетаньяху девонида маълум қилинди.

“Нетаньяху ташқи ишлар вазирига Парагвайдаги элчихонани ёпишни буюрди”, деб айтилган хабарда.

Бундан аввал Парагвай май ойида бошланган, элчихонанинг Ал-Қудсга кўчирилишини тўхтатиб, уни зудлик билан Тел-Авивга қайтаришини эълон қилганди.