Туркия АҚШ санкциялари таҳдидига қарамай, С-400 учун майдонча тайёрламоқда

Туркия АҚШнинг Анқара Россиядан С-400 зенит-ракета комплексларини харид қиладиган бўлса санкциялар бўйича таҳдидларига қарамай, Россия ракета мажмуаси учун майдончани қуриш жараёнида турибди. Бу ҳақда CNBC телеканали манбаси хабар берди.

CNBC’нинг қўшимча қилишича, бир ой олдин ҳисоботларнинг бирида Туркияда жойлашган учириш комплекси ва бункерлар тасвирланган сунъий йўлдош тасвирлари пайдо бўлган. Манбалар сўзларига кўра, ушбу конструкция Россиянинг С-400 зенит-ракета комплекси моделига мос келади.

Ўтган йили Анқара Москва билан С-400 етказиб бериш бўйича 2,5 миллиард долларлик шартнома имзолади, Бу эса, ўз навбатида, НАТО бўйича Туркиядаги шериклари орасида ташвиш уйғотди, уларнинг хавфсирашича, Москванинг минтақадаги ҳарбий иштироки ошиб боради, дейилади материалда.

Россиянинг С-400 зенит-ракета комплекслари, телеканалдан таъкидланишича, Американинг THAAD ракеталар қарши мажмуасидан фарқли равишда кенгроқ диапазонга эга. Туркия C-400’ни келаси йили қабул қилиб олиши керак, ҳамда, кутилишича, комплекс 2020 йилга қадар фойдаланишга тайёр бўлади.

Америка телеканалининг қайд этишича, вазият АҚШ конгрессида Туркияга Қўшма Штатларнинг F-35 қирувчиларини етказиб беришни блоклаш ҳаракатлари фонида ривожланмоқда.

Эслатиб ўтамиз, аввалроқ Эрдўған С-400 бўйича қарордан қайтмаслигини билдирганди.