Фото: AP
Мексиканинг сайланган президенти Мануэль Лопес Обрадор мамлакатининг нефть қазиб олиш соҳасига 75 млрд песо (3,8 млрд доллар) инвестиция киритмоқчилигини эълон қилди. У бу ҳақда Табаско штатидаги нутқида айтиб ўтган.
Унинг айтишича, бу соҳа инқирозни енгиб, тиклана бошлаши мумкин. Лопес Обрадор 2004 йилда Мексикада кунига 3,4 млн баррел нефть олингани, 2018 йилга келиб бу кўрсаткич 1,8 млн баррелга тушиб кетганини айтиб ўтган.
Аввалроқ сиёсатчи нефть қазиб олиш ҳажмини кунига 2,5 млн баррелга етказишга ваъда берган. Бу мақсадда у конларни ўзлаштириш ва 2019 йилда нефтни қайта ишловчи янги завод қуришга бир неча миллиард доллар ажратмоқчи.
Лопес Обрадорнинг инаугурацияси 1 декабрда бўлиб ўтади ва у мамлакатни 2024 йилгача бошқаради.
