Саудия Арабистонида асалари жаҳон рекорди ўрнатилишига халақит берди

Саудия Арабистонида бир дона асалари одам устида ўтирган арилар сони бўйича жаҳон рекорди ўрнатилишига халақит берди. Бу ҳақда Daily Mail нашри хабар берди. 

Асаларичи Зуҳаир Фатаний ўзига 20 мингта эркак асаларини жалб қилиш мақсадида устига бир нечта она асаларини ўтқазган. 

Бу борада амалдаги рекорд хитойлик Руан Ляньминга тегишли бўлиб, у ўз устида 64 килограммга яқин асаларини қўндира олган. Фатаний эса танасида 100 кг асаларини тўпламоқчи бўлган, бироқ бир она асалари учиб кетгач, асаларичи рекорд натижага эриша олмаган.  

2017 йилда ҳам Фатаний рекордни янгилашга уринганди: у 1,5 соат давомида минглаб асалари билан қопланган ҳолда турганига қарамай, зарур миқдорга эриша олмаган.