Фото: РИА Новости / Максим Блинов
Samsung компанияси Galaxy J смартфонларини ишлаб чиқаришдан воз кечмоқчи, деб хабар берди ET News портали.
Ҳозирда компания маҳсулотлари рўйхатида арзон Galaxy J/On, ўрта нарх тоифасидаги Galaxy A ва қиммат Galaxy S/Note смартфонлари мавжуд. Нашрнинг хабарига кўра, компания янги Galaxy M смартфонларини ишлаб чиқаришни йўлга қўймоқчи.
Тахмин қилинишича, Galaxy M туркуми бюджет смартфонлар қаторидаги Galaxy J ўрнини эгаллайди. Янги туркумдаги телефонлар янада арзон бўлиши ҳам эҳтимолдан холи эмас.
Шунингдек, Galaxy A туркумидаги айрим моделлар ҳам арзон смартфонлар қаторига ўтказилиши айтилмоқда.
