АҚШдаги ноқонуний муҳожирлар сони анча кўп бўлиб чиқди

Фото: Alexandros Avramidis/Reuters

Қўшма Штатлардаги ноқонуний муҳожирлар сони расмий статистикага қараганда икки баробар кўп бўлиб чиқди. Бундан Йель университети ва Массачусетс технологиялар институти тадқиқотлари натижалари дарак беряпти.

The Hill’нинг таъкидлашича, АҚШ Аҳолини рўйхатдан ўтказиш бюросининг сўнгги ҳисоботида мамлакатда 11 млн мигрант истиқомат қилиши ҳақида айтилган.

Бироқ, тадқиқотнинг кўрсатишича, уларнинг сони икки баробар кўп бўлиши мумкин - 22,1 млн киши.

Олимлар 1990 йилдан 2016 йилга бўлган даврдаги муҳожирлар келиши ва кетиши, шунингдек, демографик статистикани таққослашди. Уларнинг аниқлашича, 90-йиллардан 2007 йилга қадар мигрантлар сони доимий равишда ўсиб борган, шундан сўнг ўсиш тўхтаган.

Тадқиқотчиларнинг хулоса қилишича, кўп йиллар давомида расмий статистика АҚШда ноқонуний равишда яшовчи миллионлаб одамларни ҳисобга олмай келган.

Эслатиб ўтамиз, аввалроқ АҚШ халқаро ташкилотларга нега эҳтиёткор муносабатда бўлаётгани тушунтирилганди.