Польша канали Дуданинг Трамп билан «ҳақоратомуз» сурати учун ходимни ишдан ҳайдади

Польшанинг «Белсат» телеканали ижтимоий тармоқлардаги сиёсат учун жавобгар бўлган ўз менежери Иван Шилони ишдан бўшатди. Бу у фейсбукда Польша президенти Анжей Дуда ҳамда АҚШ етакчиси Дональд Трампнинг «ҳақоратомуз» фотосуратини эълон қилгани туфайли юз берди. Бу ҳақда «Европа ҳақиқати» ёзмоқда.

Таъкидланишича, «Белсат» Польша ТИВ томонидан молиялаштирилади.

Шило икки давлат етакчиларининг учрашувидан фотосуратни эълон қилди, унда Трампнинг ўтиргани, Дуданинг эса бироз эгилган ҳолда тургани тасвирланган. Шунингдек, унга «Чапда - Польша президенти» ёзуви ҳам қўшиб қўйилган.

Қатор фойдаланувчилар суратда Польша президенти ўзи ва Польшани камситишга йўл қўйиб бергани ҳақида гапира бошлашди. Шило ушбу фотосурат эълон қилинганининг эртаси куни телеканалдан бўшатиб юборишгани ҳақида маълум қилди.

«Мени ишдан бўшатишди. Ҳеч қандай гап-сўзларсиз, шунчаки иш чатларидан ўчиришди ва барча кириш ҳужжатларини олиб қўйишди», - дея ёзган у.

Эслатиб ўтамиз, аввалроқ Интернетда АҚШ президенти Дональд Трампнинг польшалик ҳамкасби Анжей Дуда билан 18 сентябрда Оқ уйда олинган фотосурати заҳархандаликларга сабаб бўлганди.