Профилактика инспекторига жароҳат етказган ўғри ушланди

Тошкент вилоятининг Юқори Чирчиқ туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, шу йил 21 сентябрь куни фуқаро О.Г. ўғирлик қилиш мақсадида Ф.У.га тегишли Саксонота маҳалласида жойлашган намунали уйининг дераза панжарасини бузиб уйга кирган вақтида, шу ҳудудда хизмат олиб бораётган туман ички ишлар органларининг таянч пунктлари профилактика катта инспектори, майор К.Б. уни сезиб қолиб ушлаганида О.Г. ходимга фаол қаршилик кўрсатиб, қўли билан уриб жароҳат етказган. Шундай бўлса-да О.Г. ушланган.

Майор К.Б.га эса касалхонада тиббий ёрдам кўрсатилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.