Фото: Facebook
АҚШ махсус хизматлари Чикагода Хитой фуқароси Цзи Чаоцюнни Қўшма Штатларда рўйхатга олинмаган агент сифатида фаолият кўрсатганликда, яъни жосусликда айблаб ҳибсга олди. Бу ҳақда АҚШ адлия вазирлиги матбуот хизмати хабар берди.
"Чикагода яшаган 27 ёшли хитойлик Цзи Чаоцюнь АҚШ ҳудудида ХХРнинг ноқонуний агенти сифатида фаолият кўрсатганлик айблови билан гумонланиб ҳибсга олинди", - дейилади вазирлик хабарида.
Маълумотларга кўра, Цзи Чаоцюнь АҚШда Цзянсу провинцияси давлат хавфсизлик хизматининг юқори лавозимдаги разведка ходими топшириғи бўйича иш олиб борган. У разведка ходимига саккиз нафар шахс ҳақида маълумот етказиши керак бўлган.
Айтилишича, улар орасида АҚШда ишлаётган инженер ва олимлар бўлган.
