Нурмагомедов - Макгрегор жангида ким ҳакамлик қилиши маълум бўлди

Америкалик Херб Дин асосий рефери сифатида Ҳабиб Нурмагомедов ва Конор Макгрегор жангида ишлайди.

MMA Junkie хабар беришича, 47 ёшли Дин ушбу жанг учун 1900 доллар миқдорида пул ишлаб олади.

Шунингдек, жангда Дерек Клири, Сэл Д'Амато ва Юничиро Камихо ҳакамлик қилади. Уларнинг ҳар бири 1600 доллардан олади.

Нурмагомедов — Макгрегор жанги 6 октябрь куни Лас-Вегасда бўлиб ўтади. Баҳс UFC 229 мусобақаси доирасида ўтказилади.

Эслатиб ўтамиз, аввалроқ Макгрегорнинг отаси Ҳабиб иккинчи раундгача омон қолмаслигини билдирганди.