Нурмагомедов - Макгрегор жанги ҳаками: асабийлашаётганим йўқ

Фото: AP/Jeff Chiu

Мутлақ жангчилар чемпионати (UFC) чемпиони, россиялик Ҳабиб Нурмагомедов ва ирландиялик Конор Макгрегор ўртасида йилнинг энг кутилаётган жанги рефериси Херб Дин баҳсдан аввал асабийлашаётгани йўқ, дея хабар бермоқда ТАСС.

«Мен бундай шарафга лойиқ кўрилганимдан жуда хурсандман. Шунингдек, бу жангда ишлаш имконини тақдим этишгани учун ташаккур демоқчиман. Бу жанг сўнгги вақтларда MMA’даги энг катта баҳсга айланади. Бу бизнинг спортимиз қанчалик ўсганини кўрсатади.

Мен асабийлашаётганим йўқ. Шунчаки икки жангчининг ўзаро баҳсига ва ишқибозларга эътибор қаратаман. Бу узоқ йиллар давомида, ҳар бир жангда ҳар доим менинг услубим бўлиб келган», - дея тан олди Дин.

Макгрегор UFC’даги энг машҳур жангчилар биридир, у аралаш яккакурашларда 24та жанг ўтказиб, 21 ғалабани қўлга киритган ва уч бора мағлубиятга учраган. Нурмагомедов, ўз навбатида, UFC чемпиони камарини қўлга киритган биринчи россиялик бўлди. Апрель ойи бошларида у америкалик Эл Яквинтани таслим этди. Россиялик ўз фаолиятида ММА’да жами 26 марта ғалабага эришган, биронта мағлубиятга учрамаган.

Эслатиб ўтамиз, аввалроқ Нурмагомедовга Макгрегорнинг собиқ спарринг шериги ёрдам бераётгани маълум бўлганди.

#Конор Макгрегор #Ҳабиб Нурмагомедов