ММА жангчилари рингда чарчаб қолганидан сўнг жанг қилишни истамай қолишди

Аралаш яккакурашлар (MMA) жангчилари Боб Сапп ва Осунаараси Кинтаро ўртасидаги жангда рақиблар бир-бирларига деярли зарба беришмади ва аксарият вақтларини нигоҳлар орқали курашиш билан ўтказишди. Жанг видеоси Twitter’даги The MMA Bible аккаунтида эълон қилинди.

Could Sapp vs Osunaarashi be the greatest round in MMA history? Scratch that... the greatest round in combat sports history? 🤔😂pic.twitter.com/twfgSE5D43
— The MMA Bible (@TheMMABible) October 1, 2018

Ушбу жанг Япониянинг Сайтама шаҳрида бўлиб ўтди. Вазни 150 килодан ошиқ бўлган бу спортчилар учун алоҳида қоида жорий этилди: улар ҳар бири уч дақиқадан бўлган уч раунд давомида жанг олиб боришлари керак эди. Дастлабки икки раундда улар жанг олиб боришди, учинчи раундга келиб эса бир-бирларига деярли зарба беришмади. Уларни реферининг жангга чорлаши ҳам айтарли фойда бермади.

Бу жангда ҳакамлар овози билан Сапп ғалаба қозонди.

#жанг #ММА