Трампнинг маслаҳатчиси Хитойни АҚШ рақиби деб атади

Фото: AFP

АҚШ президенти Дональд Трампнинг савдо бўйича маслаҳатчиси Питер Наварро сўзларига кўра, Қўшма Штатлар Хитойни иқтисодий соҳадаги шерик сифатида эмас, балки стратегик рақиб сифатида кўришга мойилдир. Бу ҳақда Fox News хабар бермоқда.

Унинг сўзларига кўра, Қўшма Штатлар ва Хитой Халқ Республикаси ўртасидаги «муносабатларда қайта юклаш» юз берди.

Шунингдек, унинг қўшимча қилишича, Европа иттифоқи ва Япония Хитой билан савдо баҳсларида АҚШни қўллаб-қувватлашга тайёр турибди.

Наварронинг таъкидлашича, ХХРга АҚШ иттифоқчиларининг «мувофиқлаштирилган жабҳаси» қарши турибди.

Эслатиб ўтамиз, аввалроқ Хитой АҚШ вице-президентини туҳмат қилишда айблаганди.