Молдавия пойтахти Кишиневда содир бўлган портлаш оқибатида камида 3 киши ҳалок бўлган ва 5 киши жароҳатланган ҳолда шифохонага ётқизилган.
«Sputnik Молдавия» агентлиги хабарига кўра, Москва проспектидаги кўп қаватли уйлардан бирида газ портлаши оқибатида 14, 15, 16 ва 17 қаватлар жиддий шикастланган.
Ушбу воқеа шаҳар гарнизонини оёққа турғазган, воқеа жойига аввалига қутқарувчилар ва ўт ўчирувчиларнинг 7 экипажи етиб келганди, кейинроқ бу ҳудуддаги қутқарувчи ва ўт ўчирувчи ходимлар сони 100 нафардан ошиб, махсус техник машиналар сони 16тага етди.
