Фото: РИА Новости / Алексей Никольский
Молдова демократик партияси мамлакат президенти Игорь Додоннинг истеъфосини талаб қилмоқда. Бу ҳақда мамлакатнинг ҳукмрон партияси ҳисобланмиш ДПМнинг раис ўринбосари Андриан Канду маълум қилди.
«Додон парламентни тарқатиб, мамлакатга ўз сиёсатчиларини танлаш имконини бериши керак. Кузда муддатидан олдин сайловлар ўтказилишини талаб қиламиз. Парламент ва президентлик сайловларини. Гап хоинлик ҳақида кетяпти. Президент - хоин!»,- дейди Канду.
Демократлар социалистлар партияси ва европапараст «Acum» блоки иштирокида тузилиши кутилаётган ҳукуматни тан олмасликларини маълум қилишмоқда.
