АҚШ президентининг миллий хавфсизлик масалалари бўйича маслаҳатчиси собиқ ўринбосари Дина Пауэлл, Қўшма Штатлар президентининг қизи Иванка Трамп ва собиқ сенатор ҳамда демократ Жо Либерман, Никки Хейли истеъфосидан сўнг, АҚШнинг БМТдаги доимий вакили лавозимига номзодлар рўйхатига киритилди. Бундай ўзига хос рўйхат CBS News телеканали томонидан тузилган.
АҚШ президенти Дональд Трамп сешанба куни Қўшма Штатларнинг БМТдаги доимий вакили Никки Хейли ўрнини эгаллаш учун беш нафар номзод борлиги ҳақида айтиб ўтди, деб ёзади The Hill.
Трампнинг сўзларига кўра, АҚШ президентининг миллий хавфсизлик масалалари бўйича маслаҳатчиси собиқ ўринбосари Дина Пауэлл ҳам бу қисқа рўйхатда бор.
CBS News’нинг таъкидлашича, Хейлининг АҚШ ташқи сиёсатига таъсири Трамп муддатининг биринчи ярим йили давомида кучли бўлди. Унинг таъсир доирасида АҚШ давлат котиби Майк Помпео ва Миллий хавфсизлик масалалари бўйича маслаҳатчи Жон Болтон ўз лавозимига киришганидан сўнг заифлашди, дея қўшимча қилади телеканал.
Бироқ, аввалроқ Иванка Трамп Никки Хейлидан кейин БМТдаги доимий вакили лавозимини эгалламоқчи эмаслиги ҳақида маълум қилди.
Муқаддам АҚШ демократик партияси аъзоси бўлган, Коннектикут штатидан сенатор Жо Либерманнинг номзоди бу позиция учун мос келмайди, дея қўшимча қилади CBS телеканали. Бироқ, Трамп Либерман номзодини кўриб чиқаётган бўлиши мумкин, сабаби у халқаро сиёсатда муаммоларга ечим топиш ва хавфсизлик соҳасида АҚШ президентининг «Исроилга яқин ёндашувини» қўллаб-қувватлашга мойил.
Дина Пауэлл президент маъмуриятида бир йилдан камроқ вақт ишлади, бироқ Яқин Шарқ сиёсатини ишлаб чиқишда, айниқса, Саудия Арабистони билан нисбатан дўстона муносабатлар ўрнатиш ҳал қилувчи роль ўйнади, дейилади материалда.
Эслатиб ўтамиз, аввалроқ АҚШнинг БМТдаги доимий вакили Никки Хейли ўз лавозимини тарк этгани, Дональд Трамп унинг истеъфосини қабул қилганини маълум қилгани хабар берилганди.
