Ҳиндистон ташқи ишлар вазири аёл журналистларга тегажоғлик қилишда айбланмоқда

Фото: Sonu Mehta/Getty Images

Бир неча аёл журналистлар Ҳиндистон ташқи ишлар вазири Жавод Акбарни тегажоғлик қилишда айблашмоқда. Бу ҳақда NDTV телеканали маълум қилди.

Жумладан, журналист Прия Раманининг сўзлаб беришича, у бир йил аввал Акбардан интервью олмоқчи бўлган. Акбар бунга жавобан журналистни Мумбайдаги меҳмонхона хонасига таклиф қилган, интервью вақтида эса аёлга спиртли ичимлик ичишни ва ёнига ўтиришни таклиф қилган.

Яна бир журналист Шума Раханинг айтишича, у ҳам Акбар билан шундай ҳолатга Калькутта меҳмонхонасида тушган.

Таъкидланишича, Акбарга қарши айбловлар номусга тегишларни қораловчи #MeToo ҳаракати доирасида билдирилган.

Айни вақтда ташриф билан Нигерияда бўлган вазирнинг ўзи ҳозирча бу айбловларга жавоб бермаган.