Россия мудофаа вазири Тошкентга келди

Фото: Мудофаа вазирлиги матбуот хизмати

Ўзбекистон мудофаа вазири, генерал-майор Абдусалом Азизов Россия Федерацияси мудофаа вазири, армия генерали Сергей Шойгу бошчилигидаги делегацияни қабул қилди.

Мудофаа вазирлиги матбуот хизмати хабарига кўра, айни вақтда икки мамлакат мудофаа идораларининг раҳбарлари иштирокида йиғилиш ўтказилмоқда. Йиғилиш давомида бир қатор масалалар муҳокама қилиниши режалаштирилмоқда.

Эслатиб ўтамиз, кеча 11 октябрь куни Ўзбекистон мудофаа вазири Озарбойжон, Арманистон ва Беларусь республикаларининг вазирлари билан учрашди.