Ҳиндистонда Зика безгагидан касалланганлар сони ошиб бормоқда

Ҳиндистонда Зика безгагидан касалланганлар сони ошиб бормоқда. Мамлакатнинг Ражастон штатида 51 кишида ушбу касаллик аниқланган, яна 30 киши кўрикдан ўтказилмоқда. Касалланганларнинг кўпчилиги Жайпур шаҳрининг бир туманида яшайди. Улар орасида 11 ҳомиладор аёл ҳам бор.

Зика вируси маймунлар орасида тарқалиб, одамларга чивинлар орқали юқади. Вирус ҳомиладор аёлларда ҳомиланинг микроцефалияси, яъни боши ривожланмай қолишига олиб келади. Касалликка қарши махсус дорилар ишлаб чиқилмаган.