Помпео журналист Қошиқчининг йўқолиши муносабати билан Анқарага учиб келди

Фото: REUTERS / Leah Millis

АҚШ давлат котиби Майк Помпео саудиялик журналист Жамол Қошиқчининг йўқолиб қолиши масаласини муҳокама қилиш мақсадида Анқарага ташриф буюрди. Бу ҳақда Reuters хабар қилмоқда.

Мавжуд маълумотларга кўра, Помпео мамлакат президенти Ражаб Тоййиб Эрдўған, шунингдек, Туркия ташқи сиёсат идораси раҳбари Мавлуд Чавушўғли билан учрашади.

Эслатиб ўтамиз, аввалроқ ОАВ Қошиқчининг қотиллари Саудия валиаҳд шаҳзодаси билан алоқадор экани ҳақида хабар берганди.

The New York Times маълумотларига кўра, мухолиф журналисти Жамол Қошиқчини ўлдирганликда гумон қилинаётганлар Саудия Арабистони валиаҳди шаҳзодаси Муҳаммад бин Салмон билан алоқаларга эга.

Тайёрлаган: Отабек Матназаров

#Саудия Арабистони #Майк Помпео #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди