Британия Жамол Қошиқчининг ўлими туфайли «кейинги қадамларни» кўриб чиқмоқда

Фото: Osman Orsal/Reuters

Буюк Британия Ташқи ишлар вазирлигининг хабар беришича, мамлакат раҳбарияти саудиялик журналист Жамол Қошиқчининг ўлими тасдиқлангани туфайли кейинги қадамларни кўриб чиқмоқда. Бу ҳақда Reuters хабар берди.

«Биз Жамол Қошиқчининг оиласига, унинг ўлими ҳақидаги хабарлар тасдиқлангани сабабли, чуқур таъзия билдирамиз. Биз Саудия ҳукуматининг ҳисоботини ва ўзимизнинг кейинги қадамларимизни ўрганяпмиз», - дея маълум қилишган вазирлик вакиллари.

Шунингдек, хабарда вазирнинг сўзларини келтирилган. У айбдорларни жавобгарликка тортиш зарурлиги ҳақида маълум қилди.

Эслатиб ўтамиз, аввалроқ Саудия Арабистони бош прокурори Сауд ал-Муажиб журналист Жамол Қошиқчининг ўлими бўйича иш юзасидан 18 киши қўлга олингани ҳақида хабар берганди.

Тайёрлаган Отабек Матназаров

#Саудия Арабистони #Буюк Британия #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди