Фото: REUTERS/Noah Berger/File Photo
Tesla ва SpaceX асосчиси Илон Маск ўзининг яна бир компанияси - The Boring Company'нинг биринчи туннели қачон очилишини маълум қилди. Бу ҳақда у твиттердаги саҳифасида ёзган.
«Биринчи туннель деярли тайёр. 10 декабрда очилади», - дея ёзган Маск.
Reuters агентлигининг аниқлик киритишича, гап Хоторн - Лос-Анжелес ёнидаги, худди шу номдаги округда жойлашган туннель ҳақида кетмоқда.
Маскнинг фикрига кўра, The Boring Company томонидан бурғиланаётган, Американинг йирик шаҳарлари остидаги туннеллар автомобилчиларга тезроқ ва тирбандликларсиз ҳаракатланиш имконини беради.
Эслатиб ўтамиз, аввалроқ Илон Маск ўзини 20 млн долларлик жаримага тортган идоранинг устидан кулганди.
