«Қийноққа солинган». МРБ директори Қошиқчи иши бўйича аудиоёзувларни эшитмоқчи

Фото: REUTERS

АҚШ Марказий разведка бошқармаси раҳбари Жина Хаспел саудиялик мухолиф журналист Жамол Қошиқчининг ўлдирилиши билан боғлиқ иш юзасидан аудиоёзувларни олишга ҳаракат қилмоқда. Бу ҳақда Reuters манбаларга таянган ҳолда хабар берди.

Агентликнинг хабар беришича, Марказий разведка бошқармаси директори аудиоёзувларни эшитиб кўрмоқчи. Қайд этилишича, уларда Қошиқчининг қийноққа солиниши ва ўлдирилиши бўйича тегишли товушлар ёзиб олинган.

Эслатиб ўтамиз, аввалроқ МРБ директори Қошиқчи ишини тергов қилиш учун Туркияга бориши хабар берилганди.

NBC телеканалининг Америка разведкасидаги юқори лавозимли вакилга асосан хабар беришича, АҚШ Марказий разведка бошқармаси директори Жина Хаспел Туркияга бориб, саудиялик мухолиф журналист Жамол Қошиқчининг ўлдирилиши бўйича терговда иштирок этади.

Тайёрлаган: Отабек Матназаров

#МРБ #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди