Калифорниядаги ёнғинлар қурбонлари сони 23 нафарга етди

АҚШнинг Калифорния штатидаги ўрмонлар ва бутун бошли шаҳарларни қамраб олган ёнғинлар 23 кишининг ҳаётдан олиб кетди, деб хабар берди Associated Press ахборот агентлиги. 

Ҳалок бўлганларнинг жасадлари ёниб кетган машиналар, уйлар ва кўчаларда топилган. Одамлар фавқулодда эвакуация вақтида ёнғиндан қочиб қутула олмаганлар.

Бундан ташқари, юздан ортиқ одам бедарак йўқолган, деб ҳисобланмоқда.

Camp Fire (Гулхан) деб ном олган ушбу ўрмон ёнғинлари штат тарихидаги энг вайронкори бўлди. Ёнаётган ўрмонлардан тарқаётган тутун штатдаги энг йирик шаҳарларни, жумладан Сан-Францискони қамраб олган. Калифорния ўт ўчириш бошқармаси маълумотларига кўра, ёнғин оқибатида 6,4 мингдан кўпроқ иншоот йўқ бўлган.

Шу билан бирга ёнғин тарқалишда давом этмоқда. Ўт ўчириш бошқармасининг баҳолашича, яна 15 минг иншоот хавф остида қолмоқда.

АҚШ президенти Дональд Трамп Калифорния штатидаги ўрмон ёнғинларида ҳалок бўлганлар ва жабрланганлар оилаларига қўллаб-қувватлов билдирган ва ёнғин оқибатларини фалокатли деб атаган.

«Калифорнияда 4000 дан кўпроқ одам 170 минг акрдан зиёдроқ майдоннинг кулини кўкка совурган ёнғинларга қарши курашмоқда. Қалбларимиз табиий офатга қарши курашаётганлар, 52 минг эвакуация қилинганлар ва ҳалок бўлганлар оилалари билан бирга. Вайронгарчиликлар кўлами фалокатлидир. Тангри ҳаммани паноҳида асрасин», – деб ёзган Трамп твиттерда.