Шавкат Мирзиёев Хоразмга жўнаб кетди 

Шавкат Мирзиёев ижтимоий-иқтисодий лойиҳалар билан бевосита танишиш мақсадида Хоразм вилоятига жўнаб кетди. Бу ҳақда президент матбуот хизмати хабар бермоқда.

Ўзбекистон президенти ташриф доирасида шу пайтгача бажарилган ишларни таҳлил қилиши, барча соҳаларни ривожлантириш бўйича амалга оширилиши зарур бўлган устувор йўналишлар ва долзарб вазифаларни белгилаб бериши режалаштирилган. 

Эслатиб ўтамиз, бундан аввал Шавкат Мирзиёев Хоразм вилоятига жорий йилнинг апрель ойи охирларида ташриф буюрганди. Бунгача Фарҳод Эрманов вилоят ҳокими вазифасини вақтинча бажарувчи этиб тайинланганди.