Эрон фирмаси Ўзбекистонда янги фабрика қуришга 20 млн евро ажратади

Эроннинг Zarin Taj Mahan Industry Group фирмаси Ўзбекистонда эшилган ип ишлаб чиқаришни ташкил этиш учун 20 миллион евро йўналтиради. Бу ҳақда «Ўзбекистон 24» телеканалининг «Таҳлилнома» дастурида хабар берилди, деб ёзмоқда Spot.

Хабар қилинишича, компания Қашқадарё вилоятида кунлик ҳажми 24 тонна бўлган, эшилган ип ишлаб чиқариш бўйича фабрика қуришни режалаштирмоқда. Бунга 20 миллион евро сармоя киритиш мўлжалланган.

Лойиҳани амалга ошириш маҳаллий аҳоли учун 500га яқин янги иш ўрни яратишни ўз ичига олади.