Хитой бутун дунёни бепул интернет билан таъминламоқчи

Хитойнинг LinkSure Network интернет-провайдери 2019 йилда LinkSure №1 деб номланган сунъий йўлдошини учиришни режалаштирмоқда. Сунъий йўлдошни учиришдан мақсад, 2026 йилга келиб бепул глобал интернет хизматларини тақдим этишдир.

Компания мазкур лойиҳани амалга ошириш учун 272та сунъий йўлдош учиради ва бунинг учун 3 млрд юань(431,1 млн доллар) маблағ сарфлаш режалаштирилган. 

«Ушбу режамиздан мақсад, бутун дунё аҳолисини, айниқса, кам ривожланган ва бориш қийин бўлган жойларни бепул интернет билан таъминлашдир», деди LinkeSure компанияси президенти.

Яқинда SpaceX компанияси бепул интернет тақдим этиш учун АҚШ федерал алоқа комиссиясидан 7 518та сунъий йўлдош учиришга рухсат олганди.