ТИВда Кувайт элчиси билан учрашув бўлиб ўтди

2018 йилнинг 10 декабрь куни Ўзбекистон Республикаси ташқи ишлар вазирининг биринчи ўринбосари Илҳом Неъматов Кувайт давлати фавқулодда ва мухтор элчиси Аҳмад Холид Абдулла ал-Жийрон билан учрашди.

ТИВ хабарида айтилишича, бўлиб ўтган суҳбат чоғида турли шакллардаги Ўзбекистон – Кувайт муносабатларини янада ривожлантиришнинг амалий жиҳатлари муҳокама қилинган.

Учрашувда 2019 йилда ўтказиладиган икки томонлама тадбирлар жадвали, жумладан ҳукуматлараро комиссия йиғилишини ўтказиш муддати ҳамда савдо-иқтисодий ва банк-молия соҳаларидаги ҳамкорликни фаоллаштириш бўйича аниқ таклифлар кўриб чиқилди.