Украина президенти Пётр Порошенко Fox News телеканалига интервьюда Керчь бўғозида юз берган воқеани “уруш” деб атади.
Украина президентининг айтишича, Россия сув ҳудудлари чегарачиларининг хатти-ҳаракати “тажовуз” деб баҳоланади. Порошенко “уруш” ҳақида гапирганига қарамай, Киев томонидан уруш ҳақида эълон қилинмаган.
“Жаноб Путин, бу тажовузкорлик. Жаноб Путин, бу уруш. Бу ҳазил, нохуш воқеа ва инқироз эмас”, деб айтган Порошенко.
25 ноябрда Украина ҳарбий-денгиз кучларининг учта кемаси Россия чегарасини бузгани учун ушланган. Кемалардаги 24 украиналик денгизчи Россия чегарасини бузишда айбланиб, ҳибсга олинган.
Украина Россиянинг ҳаракатларини тажовузкорлик деб топиб, бир қатор вилоятларида 30 кунлик муддатга ҳарбий вазият тартиби киритган. Москва эса воқеани иғво деб баҳолаган.
