Huawei молиявий директори гаров пули эвазига озодликка чиқарилди

Фото: presstv.com

Канада суди Huawei компаниясининг ҳибсга олинган ва АҚШга экстрадиция қилиниши мумкин бўлган молиявий директори Мэн Ваньчжоуни гаров пули эвазига озодликка чиқарди. Бу ҳақда Bloomberg ахборот агентлиги хабар берди.

Мэннинг озодликка чиқарилиши учун 10 млн Канада доллари (7,5 млн доллар) миқдорида гаров пули киритиш лозим бўлган. Гаров пулини аёлнинг турмуш ўртоғи ва 4 нафар дўсти ҳамда собиқ ҳамкасби тўлаб берган. Энди Мэн Хитой ва Ҳонгконг паспортини топшириб, Ванкувердаги уйида ҳибсда қолиши мумкин.

Мэн Ваньчжоу АҚШ сўрови билан 1 декабрда Ванкуверда ҳибсга олинган. Аёл АҚШ санкцияларини четлаб ўтган ҳолда Эрон билан битимлар тузганликда айбланмоқда. АҚШ 60 кун ичида Мэннинг айбдорлиги исботлар билан таъминланган экстрадиция ишини Канадага топшириши керак.