National Geographic йилнинг энг сара суратларини танлади

National Geographic анъанавий тарзда фотосуратлар танловининг энг аъло ижодий асарларини эълон қилди. NatGeo суратларни ҳайвонот олами, инсонлар ва манзиллар тоифалари бўйича саралаган.

Танловнинг Гран-прига лойиқ кўрилган фотосурат муаллифига 5,000 доллар миқдорида мукофот берилади ва ғолиб асари @NatGeo Instagram саҳифасида эълон қилинади. Биринчи, иккинчи ва учинчи ўрин соҳибларига 2,500, 1,500 ва 750 доллар миқдоридаги мукофот тақдим этилади. Бундан ташқари, алоҳида «Томошабинлар танлови» йўналишида ҳам фотосуратлар саралаб олинган.

Гран-при мукофоти Ясен Тодоровга, «Ҳайратомуз» (Unreal) фотосурати учун берилди.

Унда Калифорниядаги Мохаве чўли ўртасидаги тўплаб қўйилган, 2009 ва 2015 йилларда ишлаб чиқарилган минглаб Volkswagen ва Audi машиналари акс этган. Ижодкор ушбу фотосурат билан табиат ҳудудларини эгаллаб бораётган саноат чиқиндилари мавзусини кўтариб чиққан.