Мадуро Венесуэла душманларининг “юрагини суғуриб олиш”га ваъда берди

Венесуэла президенти Николас Мадуро Венесуэла душманларининг “юракларини уларнинг ерларида суғуриб олиш”га ваъда берди, бироқ шу билан бирга унинг давлати ҳеч кимга ҳужум қилишни истамаётганини қўшимча қилди.  

“Еримизга келишга жазм қиладиган душманнинг тўғри юрагига бориб, унинг юрагини ўзининг ерида суғуриб олиш учун тайёр туриш керак. Биз тинчлик истаймиз, бироқ кўзимизни юма олмаймиз”, деб айтган Мадуро мамлакатнинг кўнгилли қўшинлари олдидаги нутқида.   
 
Венесуэла президенти босқинчилар “тирик кетмаслигини”, чунки “халқ ўз ватанини империалистлар, олигархлар ва сотқинлардан ҳимоя қилади”. Мадуронинг айтишича, кўнгилли жангчилар ватанни ҳимоя қила олиши учун барча турдаги қурол, жумладан ракета ва танкларга эгалик қилиши керак. Мадуро Венесуэладаги кўнгилли қўшинларнинг умумий сонини 1,6 млн кишига баҳолаган.

Мадуро, шунингдек, Венесуэлага қарши режалар тайёрлаш учун жавобгарликни Колумбия президенти зиммасига юклади. Унинг фикрича, Венесуэлага қарши ҳаракатлар Оқ уйдан АҚШ президентининг миллий хавфсизлик бўйича маслаҳатчиси Жон Болтон орқали молиялаштирилмоқда.