Янгийўлда ичкиликбозлик оқибатида қотиллик юз берди

Шу йил 16 декабрь куни Тошкент вилоятининг Янгийўл шаҳрида яшовчи Б.У. маст ҳолда ўзи яшайдиган спиртли ичимликлар дўкони рўпарасида ўзаро жанжал туфайли маст ҳолда бўлган фуқаро Ш.А.нинг боши ва юзига ёғоч бўлаги билан уриб жароҳат етказган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада Ш.А. 17 декабрь куни Янгийўл шаҳар Олтинобод маҳалласида яшовчи Л.К. (аёл)нинг уйида вафот этган. 

Кўрилган чоралар натижасида Б.У. қўлга олинган. Ҳолат юзасидан жиноят иши қўзғатилган. 

Тергов ҳаракатлари олиб борилмоқда.