Reuters: АҚШ Хитойнинг икки фуқаросини киберҳужумларда айблади

АҚШда Хитойнинг икки фуқаросига нисбатан ХХР махсус хизматлари кўрсатмасига мувофиқ хакерлик ҳужумлари уюштириш бўйича айблов эълон қилинди. Бу ҳақда Reuters хабар бермоқда. 

Айбловда таъкидланишича, Чжу Хуа ва Чжан Цзяньго исмли хакерлар ХХР жамоат хавфсизлиги вазирлиги билан ҳамкорликда интеллектуал мулк ва махфий бизнес маълумотларини ўғирлашган. Америка томонининг фикрича, улар АҚШ ҲДКнинг 100 нафар ҳарбий хизматчисига оид маълумотларни ўғирлаган, бундан ташқари, АҚШ энергетика вазирлиги таркибидаги атом тадқиқотлари билан шуғулланувчи Миллий лаборатория, NASA агентлигининг реактив двигателлар ишлаб чиқиш билан шуғулланувчи лабораторияси улар ҳужумининг қурбонига айланган.

Аввалроқ The Washington Post газетаси Америка ХХРга нисбатан янги иқтисодий санкциялар киритиши ҳақида эълон қилмоқчи эканлигини хабар қилганди.