Магнитогорскдаги фожиа. Бешинчи қурбоннинг жасади топилди

Магнитогорскдаги уйда газ портлаган жойдаги вайроналар остидан қутқарувчилар бешинчи қурбоннинг жасадини олиб чиқишди. Бу ҳақда РИА Новости Россия ФВВга асосан хабар бермоқда.

«Яна бир ҳалок бўлган фуқаронинг жасади вайроналар остидан олиб чиқилди», - дея хабар беришган ФВВ матбуот хизматидан.

Россия президенти Владимир Путин газ портлаши оқибатида турар-жой биносининг йўлаги қулаган Магнитогорск шаҳрига учиб келди. Президент оператив штабда ўтказилган йиғилишда иштирок этди ва баъзи жабрланганлар билан учрашди.

Путин прибыл в оперативный штаб МЧС на месте взрыва газа в жилом доме в Магнитогорске pic.twitter.com/txZrWcOpxP
— Кремлевский пул РИА (@Kremlinpool_RIA) December 31, 2018

Путиннинг таъкидлашича, Россия Тергов қўмитаси суриштирув ишларининг кейинги босқичи учун масъул ҳисобланади.

«Бугун ҳалок бўлганлар, жабрланганлар ҳақида эслаш керак, уларга қалбан ҳамдардлик билдириш зарур. Сабаби бу бизнинг халқимиз характерига хос», - деди Владимир Путин.

Россиянинг «Биринчи канали» 31 декабрга мўлжалланган эфир жадвалини Магнитогорскда юз берган портлаш туфайли ўзгартирди. Бу ҳақда махсус янгиликлар бошловчиси хабар берди.

Москва вақти билан соат 21:00да «Время» дастури эфирга чиқди, унда Магнитогорскда юз берган воқеа ҳақида сўнгги хабарлар берилди. Ҳодисадан аввал кечки янгиликлар теледастурда бўлмаганди.

«Время» анъанавий «Тақдир ҳазили ёки қушдай енгил бўлинг» фильмини бир муддатга тўхтатиб қўйди. Эфир дастурининг қолган қисми ўзгармаган.

Эслатиб ўтамиз, 31 декабрь куни эрталаб соат 4да Магнитогорскда маиший газ портлаши оқибатида ўн қаватли уйнинг подъездларидан бири қулаб тушган. ФВВнинг сўнгги хабарига кўра, портлаш натижасида беш киши ҳалок бўлган, беш киши касалхонага ётқизилган, 35 кишининг тақдири номаълум.