Фото: Getty Images
АҚШнинг Coca-Cola компанияси Британиянинг Costa Coffee қаҳвахоналар тармоғини сотиб олди. Харид қиймати 4,9 млрд долларни ташкил қилган.
“Бизга Costa салоҳияти ва Coca-Cola’нинг маркетинг тажрибаси ҳамда глобал қамрови бирлашиши эвазига катта имкониятлар очилмоқда”, деб айтган Coca-Cola бош директори Жеймс Квинси.
Харид ҳақида 2018 йил августида эълон қилинган. Компания умумий ҳисобда Costa’нинг 4 мингтага яқин қаҳвахонаси ва қаҳва донларини қовуриш ва дистрибуцияси билан шуғулланувчи корхоналарни олади.
Coca-Cola ушбу харид билан иссиқ ичимликлар бозорига чиқмоқчи. Компанияда таъкидланишича, битим Европа, Яқин Шарқ, Африка ва Осиёнинг 30 дан кўпроқ давлатида ушбу йўналишда фаолият олиб боришга имкон беради.
