FIFA™ Жаҳон чемпионати кубогининг асл нусхаси яқинда Тошкентга келади

Тошкент глобал маршрутнинг асосий тўхташ жойларидан бирига айланади. Бу воқеа миллий терма жамоанинг тарихий ютуғи фонида алоҳида аҳамият касб этади — Ўзбекистон биринчи марта FIFA 2026™ Жаҳон чемпионатига чиққанлиги ўзбек футболи ва бутун мамлакат бўйлаб миллионлаб мухлислар учун муҳим воқеага айланди. Тошкентда FIFA Жаҳон чемпионати кубогининг ташрифи Ўзбекистон футбол ассоциацияси кўмагида Coca-Cola томонидан ташкил этилди.

“FIFA Жаҳон кубоги бутун дунёда спортнинг энг улуғ рамзи сифатида эътироф этилган, Coca-Cola эса дунёдаги энг таниқли брендлардан биридир, — деди FIFA тижорат директори Роми Гай. — Йигирма йил давомида Coca-Cola билан ҳамкорлигимиз Coca-Cola кўмагидаги FIFA Жаҳон кубоги турнеси орқали мухлисларни бирлаштирди ва уларга FIFA Жаҳон чемпионати сеҳрини тақдим этди. Беш тур давомида ушбу машҳур кубок 211 та миллий футбол ассоциациямиздан 182 тасида бўлди ва бу галги турне алоҳида аҳамиятга эга: биз нафақат Coca-Cola кўмагидаги FIFA Жаҳон кубоги турнесининг 20 йиллигини нишонлаяпмиз, балки FIFA тарихидаги энг йирик жаҳон чемпионатига ҳам тайёргарлик кўряпмиз — бир вақтнинг ўзида учта мезбон мамлакатда: Канада, Мексика ва Америка Қўшма Штатларида”.

Кубок турнесига расмий старт 2026 йил 3 январда Саудия Арабистони пойтахти Ар-Риёдда берилди. Очилиш маросимидан сўнг кубок FIFA’га аъзо 30 мамлакат бўйлаб саёҳатга йўл олди. 2026 йилда турне алоҳида аҳамият касб этади: биринчи турне айнан 20 йил олдин ўтказилган эди. Шу вақт ичида 182 дан ортиқ мамлакатдан 4 миллиондан зиёд мухлис турли маданият ва авлод вакилларини футболга бўлган муҳаббат атрофида бирлаштирган ноёб футбол тадбирининг бир қисмига айланди.

“Биз Coca-Cola ҳомийлигида ташкил этилган FIFA Жаҳон кубоги турнеси орқали мухлисларга воқеалар марказига янада яқинроқ бўлиш имконини беришдан мамнунмиз. Бу йилги турне мухлисларга бевосита яқинликда футболнинг барча ҳиссиётлари ва муҳитини ҳис қилиш учун ажойиб имконият яратади,” — деди The Coca-Cola Company компаниясининг глобал активлар, таъсир ўтказувчилар ва ҳамкорликлар бўйича вице-президенти Микаел Вине. — “Биз мухлисларни футбол ўйинини кузатишда ҳис қиладиган туйғуларнинг барча қирраларини нишонлашга таклиф этамиз, бу биз Ўзбекистонга FIFA Жаҳон чемпионатининг асл кубогини олиб келганимизда ортиб бораётган ҳаяжон ва интизорликдан бошланади.”

Тошкентда Жаҳон чемпионати кубогини кўриш учун чипта ютиб олиш имкониятингиз бор. Бунинг учун қуйидагиларни бажариш керак:

1 литр ёки 1,5 литрлик Coca-Cola, Fanta ёки Sprite харид қилинг.

Қопқоқ остидаги кодни топиб, @uzcocacolabot Telegram-ботига киритинг.

У ерда сизни янада кўпроқ совғалар кутмоқда, улардан бири — FIFA™ 2026 Жаҳон чемпионатига йўлланмани қўлга киритиш имконияти.

• FIFA Жаҳон чемпионатининг асл кубоги ғолибларга топширилса-да, FIFA’нинг мулки бўлиб қолаверади. У соф олтиндан ясалган, оғирлиги 6,175 кг бўлиб, 1974 йилда яратилган. Кубокда ер шарини кўтариб турган икки инсон қиёфаси тасвирланган.

• FIFA Жаҳон чемпионатининг асл кубогига фақат чекланган доирадаги шахслар — собиқ жаҳон чемпионлари, давлат раҳбарлари ва FIFA президенти қўл теккизиши мумкин.

• Ғолиб жамоага аввал FIFA Жаҳон чемпионатининг асл кубоги топширилади, сўнгра уларга олтин қопламали металлдан ясалган FIFA Жаҳон чемпионати ғолиби кубоги абадий мулк сифатида берилади.

• Coca-Cola томонидан ўтказиладиган FIFA Жаҳон чемпионати кубоги сафари мухлисларга футбол тарихи билан боғлиқ бўлиш ва ушбу спорт турига бўлган иштиёқни баҳам кўриш учун ноёб имконият яратади.

• FIFA’нинг кўп йиллик ҳамкори сифатида Coca-Cola компанияси FIFA Жаҳон чемпионати кубоги сафари ўтказиш бўйича махсус ҳуқуқларга эга. Бу орқали компания бутун дунё бўйлаб минглаб мухлисларга 2026 йилги FIFA Жаҳон чемпионати олдидан дунёдаги энг орзу қилинган кубокни кўриш имконини беради. The Coca-Cola Company 1976 йилдан бери FIFA билан ҳамкорлик қилади ва 1978 йилдан буён FIFA Жаҳон чемпионатининг расмий ҳомийси ҳисобланади.