Эрон АҚШ соҳиллари яқинига жанговар кемаларини жўнатади

Фото: AP Photo / Ebrahim Norouzi

Март ойида Эрон Ислом Республикаси кемалари жанговар навбатчилик ўташ учун Атлантика океанига, АҚШ соҳиллари яқинига йўл олади, деб хабар берди IRNA агентлиги.

"Миссия масофа узоқлиги боис беш ойгача давом этиши мумкин", деб маълум қилган Эрон ҲДК қўмондони ўринбосари.

Мудофаа вазирлигининг билдиришича, бу АҚШ флотининг Форс кўрфазига жойлашганлигига жавоб бўлади.

Қайд этилишича, флотилия таркибида "Саханд" янги эсминеци бўлади.

Ўтган йилнинг 21 декабрида USS John C. Stennis атом авиаташувчиси бошчилигидаги АҚШ ҲДК кемалари Форс кўрфази ҳудудига кирганди.

The Wall Street Journal нашрининг билдиришича, бу Теҳронга ўз кучини намойиш этиш мақсадида қилинган.