Криштиану Роналду қирғизистонлик бемор қизни йўқлади

Туриннинг “Ювентус”ида тўп сураётган Криштиану Роналду, унинг рафиқаси Жоржина Родригес ҳамда жамоадошлари Паоло Дибала ва Хуан Куадрадо Туриндаги онкологик марказда даволанаётган қирғизистонлик кичик қизни йўқлашди. Бу ҳақда Бишкекдаги онкология марказининг болалар бўлими шифокори Дамира Байзакова Facebook’да маълум қилди. 

“Бу қирғизистонлик кичик қизча. Афсуски, унда суяк саркомаси бор. Даволашнинг энг мураккаб босқичлари ортда қолди. У бизда кимётерапия олди, сўнгра Туринга кейинги даволаниш ва операция учун жўнатилди. Яратганга шукрки, операция муваффақиятли ўтди”, деб ёзган шифокор.

Туриндаги шу марказда Нурфозил исмли қирғизистонлик яна бир йигит ҳам даволанмоқда. Уни Турин полициячилари йўқлаб, совғалар билан хурсанд қилишган.