Ливия соҳиллари яқинидаги фалокат оқибатида 117 киши бедарак йўқолди

Фото: AP / Anna Surinyach

Ливия соҳиллари яқинида Ўрта ер денгизида муҳожирлар бўлган кеманинг фалокатга учраши оқибатида 117 киши бедарак йўқолган. Бу ҳақда Халқаро миграция ташкилоти вакили Флавио ди Жакомо маълум қилди.

Уч киши қутқариб олинган.

“Қутқариб олинганларнинг айтишича, кемада 120 муҳожир бўлган. Шу тариқа йўқолганлар 117 кишини ташкил қилмоқда, улар орасида 10 аёл ва 2 бола ҳам бўлган”, деб ёзган Жакомо твиттерда.

Кемадаги кўпчилик муҳожирлар Ғарбий Африкадан бўлган. Фалокат Ливия соҳилларидан 80 км узоқликда юз берган.