«Барселона» Боатенгни трансфер қилди

Фото: FC Barcelona

«Сассуоло» яримҳимоячиси Кевин-Принс Боатенг расман «Барселона» аъзосига айланди.

Каталонияликлар клуби 31 ёшли ганалик футболчи трансфери ҳақида эълон қилган. «Барса» Боатенгни мавсум якунида 8 миллион еврога сотиб олиш шарти билан ижарага олган.

Футболчининг ярим йиллик ижараси учун каталонияликлар 2 миллион евро тўлашган.

Боатенг ўз фаолияти давомида «Милан» ва «Шальке-04» каби клублар сафида муваффақиятли тўп сурган. У шунингдек, турли йилларда «Ҳерта», «Тоттенҳэм Ҳотспур», «Боруссия» Дортмунд, «Портсмут», «Лас-Пальмас» ва «Айнтрахт» каби клублар аъзоси ҳам бўлган.

Жорий мавсумда у А Серияда 13 ўйинда майдонга тушиб, 4 гол урган ва бир голга узатма берган.

#Барселона #Кевин-Принс Боатенг