ХХР ТИВ расмий вакили Хуа Чуньин америкалик миллиардер ва молиячи Жорж Сороснинг сўзларига муносабат билдирди, у Хитой етакчиси Си Цзиньпинни «очиқ жамиятларнинг энг хавфли рақиби», деб атаганди. Бу ҳақда РИА «Новости» хабар қилмоқда.
Унинг сўзларига кўра, идора ушбу баёнотдан хабардор. Чуньиннинг қайд этишича, «ким эшикларни очаётгани ва йўлларни қураётганини» ҳамма яхши билади.
«Қора рангни оқ ранг сифатида кўрсатувчи алоҳида шахсларнинг баёнотида фактлар сохталаштирилмоқда, улар умуман маъносиз ва ҳатто раддияга ҳам лойиқ эмас», - деди Чуньин.
Унинг умид билдиришича, Қўшма Штатлар Хитой томонини холис ва ҳаққоний баҳолайди.
Эслатиб ўтамиз, Сороснинг таъкидлашича, Хитой дунёдаги ягона авторитар режим эмас, бироқ айнан шу давлат, унинг фикрича, «технологик жиҳатдан энг бой, энг кучли ва энг илғордир». Унинг қайд этишича, сунъий идрок соҳасидаги Хитой ишланмалари «авторитар режимга фойда олиш»га ёрдам бермоқда.
