Афғонистонда зилзила содир бўлди

Бугун, 2 февраль куни Тошкент вақти билан соат 17:04да Афғонистонда зилзила содир бўлди. Бу ҳақда ФВВ Сейсмопрогностик мониторинг Республика маркази хабар қилди.

“Координаталар 37,29 градус шимолий кенглик, 70,39 градус шарқий узунлик. Магнитуда М=5,4. Чуқурлик ҳ=100 км. Тошкентгача масофа 453 км жанубий йўналиш бўйича”, дейилади хабарда.

Маълум қилинишича, зилзила кучи Ўзбекистон ҳудудида 2 баллга тенг бўлган.

Талофатлар ва жабрланганлар тўғрисида маълумот келиб тушмаганлиги айтилмоқда.