Венесуэла ҳарбий-ҳаво кучлари генерали Франсиско Эстебан Янес Родригес парламент спикери Хуан Гуайдони мамлакат президенти вазифасини бажарувчи деб тан олди. Бу ҳақда Twitter’да хабар қилинмоқда.
ATENCIÓN: General de División Francisco Estéban Yánez Rodríguez, Director de Planificación Estratégica del Alto Mando Militar de la Aviación, reconoce a Juan Guaidó como Presidente (E) de Venezuela. #2Feb pic.twitter.com/Uz4fOixsvq
— Gabriel Bastidas (@Gbastidas) 2 февраля 2019 г.
Ижтимоий тармоқда жойлаштирилган видеода ҳарбий либосли эркак ўзини олий қўмондонлик вакили деб таништирган.
«Бугун депутат Хуан Гуайдони Венесуэла Боливар Республикаси президенти вазифасини бажарувчи деб тан олишимни ва шунга мувофиқ унинг буйруқларини бажаришга тайёрлигимни ватанпарварлик ва демократлик фахри билан эълон қиламан», — деди у.
У ҳарбий-ҳаво кучларининг 90 фоизи Николас Мадурони қўллаб-қувватламаслигини билдирган.
Маълумот учун, Венесуэлада ҳокимият учун кураш 23 январда президент Николас Мадурога қарши митинг билан бошланганди. Мухолиф томон етакчиси Гуайдони АҚШ, Исроил, Канада, Албания, Грузия, Бразилия, Аргентина, Чили, Колумбия, Коста-Рика, Гватемала, Гондурас, Панама, Парагвай, Перу каби давлатлар Венесуэла президенти дея тан олган.
