Гурбангули Бердимуҳамедов ҳукумат таркибида қатор ўзгаришларни амалга оширди

Фото: kabar.kg

Президент Гурбангули Бердимуҳамедов вилоятлар бўйича кураторлар ва қатор вазирларни тайинлади, деб хабар берди «Хроника Туркменистана» нашри.

Нашрнинг маълумот беришича, президент қарорига мувофиқ, Ахал, Болқон, Тошҳовуз, Лебоп, Марий вилоятлари ва Ашхобод шаҳри бўйича кураторлар тайинланган.

Саноат ва коммуникация мажмуини назорат қилиш Мамметхону Чакиевга топширилган.

Тоҳирберди Дурханов саноат ва коммуникация вазирлиги раҳбари этиб тайинланган.

Тўқимачилик саноати вазири этиб Расул Ражапов, қишлоқ хўжалиги ва атроф-муҳитни муҳофаза этиш вазири этиб Мактимгули Байрамдурдиев тайинланган.

Давлат сув хўжалиги қўмитасига раҳбарлик қилиш Аннагелди Язмирадовга топширилган.

Давлат суғурта ташкилотига Гуванч Нурмуҳаммедов бош директор бўлган.