«Россия тайёр». Лавров Қирғизистондаги ҳарбий база бўйича баёнот берди

Фото: РИА Новости

Россия Ташқи ишлар вазирлиги раҳбари Сергей Лавров Россия томони Қирғизистон ҳудудида яна бир ҳарбий база очиш масаласини муҳокама қилишга тайёрлигини маълум қилди, дея хабар бермоқда РИА Новости.

Вазирнинг сўзларига кўра, Россия Қирғизистоннинг ушбу ташаббуси ҳақида биринчи марта эшитди.

«Биз қирғизистонлик дўстларимиз билан хавфсизлик соҳасида шаклланаётган ғояларни муҳокама қилиш учун тайёрмиз», - деди Лавров.

Эслатиб ўтамиз, аввалроқ Қирғизистонда Россиянинг яна бир ҳарбий базаси пайдо бўлиши мумкин экани хабар қилинганди.